Kushtet
e shërbimit.

1. Pranimi i kushteve

Duke u regjistruar ose duke përdorur platformën LKK (levizjakafeve.com), ju pranoni këto Kushte të Shërbimit plotësisht.

Nëse nuk pajtoheni me ndonjë dispozitë, mos e përdorni platformën.

2. Kush mund të regjistrohet

Mund të regjistrohen vetëm personat fizikë të moshës mbi 18 vjeç që jetojnë ose punojnë në Kosovë.

Çdo person mund të ketë vetëm një llogari — verifikuar përmes numrit unik të telefonit. Llogaritë e dyfishta fshihen pa paralajmërim.

3. Anëtarësia dhe çmimi

Anëtarësia në LKK është falas. Regjistrimi nuk kërkon pagesë.

LKK rezervon të drejtën të fusë tarifa simbolike vjetore në të ardhmen — anëtarët ekzistues do njoftohen paraprakisht.

4. Sjellja e pranueshme

Ju pajtoheni të mos: (a) krijoni llogari të shumëfishta, (b) manipuloni sistemin e votimit, (c) ndani kredencialet e llogarisë, (d) abuzoni me sistemin e QR kodeve, (e) postoni përmbajtje të rreme ose mashtrues.

Shkeljet e rënda çojnë në pezullim ose fshirje të llogarisë pa kompensim.

5. Sistemi i votimit

Sistemi i votimit të verbër është i dizajnuar të jetë i padeshifrueshëm — as nga administratorët. Kjo është veçori, jo difekt.

Manipulimi i sistemit të votimit, tentativa për të thyerë anonimitetin ose abuzimi me token-at e votimit janë shkelje të rënda dhe do raportohen tek autoritetet kompetente.

6. Pronësia intelektuale

Platforma LKK, kodi burimor (ku publiku ka qasje), logo dhe emri tregtar janë pronë e Lëvizjes së Kafeve të Kosovës.

Çdo ripërdorim i kodit bëhet sipas licencës MIT për pjesët me burim të hapur.

7. Kufizimi i përgjegjësisë

LKK ofron platformën "si është" pa garanci. Nuk jemi përgjegjës për: humbje aksesi gjatë mirëmbajtjes, ndryshime të papritura të politikave të Firebase/Google, ose vendime politike të marra mbi bazën e votimeve në platformë.

Platforma nuk zëvendëson procedurat zyrtare zgjedhore të KQZ-së.

8. Ndryshimet e kushteve

LKK mund të ndryshojë këto kushte në çdo kohë. Ndryshimet publikohen në levizjakafeve.com/kushtet.

Çdo ndryshim thelbësor njoftohet tek anëtarët aktiv përmes platformës.

9. Ligji i zbatueshëm

Këto kushte rregullohen nga legjislacioni i Republikës së Kosovës. Çdo mosmarrëveshje zgjidhet nga gjykatat kompetente të Prishtinës.